DUMATING si chief sa headquarters at nagtaka siya dahil tila nagulo ang mga gamit sa table niya. Maingat siyang lumapit at tiningnan ang ibang mga gamit niya. Nakatiwangwang kunti ang drawer ng lamesa at dali-daling tiningnan ang CD ng cctv footage.
"Nawala! Tama ang duda ng mag-partner, may galamay si vice-mayor dito sa loob ng departamento ko," wika na mag-isa ni Chief Concepcion.
Agad niyang tinawagan si Divlen upang ipaalam ang nangyari sa opisina. Kasalukuyang kumakain ang mag-partner sa loob ng kuwarto nang mag-ring ang phone niya. Tiningnan naman agad ito ni Divlen.
"Yes, chief?" tanong agad niya sa kabilang linya.
"Detective, tama ang duda ninyo na may galamay si vice-mayor sa loob ng ating departamento. Nawala ang CD ng cctv footage," kuwento ni chief.
"Uhmmm… ang duda
