I SEE A MONSTER
CHAPTER 14
Natigilan si Arkanius sa pag- alalay kay Abegail papunta sa lagi nilang pinupuntahan gabi- gabi. Tila may naramdamang kakaiba ang binata kasabay nang pagtingala niya sa buwan at sa buong paligid. Biglang kumislap ang mga mata nitong kulay bughaw at sinuyod ang buong paligid.
"May problema ba?" tanong ni Abegail.
"Wala! Halika na, papasyal na lang tayo bukas ng gabi. Nararamdaman kong maalinsangan ang gabi hindi magandang palatandaan." Sagot ng binata.
Hindi sumagot ang dalaga, pinakiramdaman niya rin ang kanilang kapaligiran. May mga naririnig ang dalaga at may mga nararamdamang kakaiba. Gumalaw ang ulo ni Abegail at muling nakiramdam.
"Arkanius, tila may mga tao sa hindi kalayuan sa ating kinaroronan." Wika ng dalaga.
Natigilan si Arkanius sa sinabi ng da
