PARANG time machine na biglang bumalik lahat sa nakaraan ang isip ni Aleah. Nang malasahan niya ang dugo ni Drake, nakita niya ang lahat na pangyayari noong panahong una niyang nakilala ang binata.
“He’s Drake Harvey Sebastian, my son!” pakilala ni Mr. Sancho Sebastian sa anak nitong abogado.
Kakaiba ang nararamdaman ni Aleah nang makita niya ang guwapong anak ng kanyang boss. Simple lang itong tingnan. Hindi halata sa hitsura nito kung ano ang trabaho nito at kung sino ito sa buhay ng boss nila.
Dumaan sa diwa niya ang mga sumunod na eksena, ang krimeng nasaksihan niya. Ang pagpaparamdam sa kanya ng multo ni Drake, ang paghimasok nito sa kanyang buhay… ang pagkahulog ng loob niya rito, ang pagtatapat nito ng damdamin sa kanya…
“Drake!” at ang muling pagpatay kay Drake.
At ang huling
