"Aly, ano bang problema? Kanina ka pa namin pinapalusutan kay Enz," pagod na sabi ni Dian nang bumalik siya sa loob ng room.
Nasa labas si Enz, hinahanap ako. Sabay kasi kaming uuwi ngayon pero kanina pa ako umiiwas sa kanya.
"Bakit ba iniiwasan mo siya?" tanong niya pa sa akin at hindi naman ako sumagot.
Nanatili ang tingin ko sa phone na tadtad ng text messages galing kay Enz. Hindi ko kasi siya sinasagot mula pa kanina.
"Maarte 'yan, eh. Arteng-arte na naman sa buhay niya," nakatawanh sabi ni Lyn habang nag-re-retouch. "Nag-away ba kayo?" tanong niya pa at umiling ako sa kanya.
"I don't deserve him," maikli kong sabi at sabay-sabay silang napatingin sa akin.
"Sa kanya ba nanggaling? Na hindi ka deserving?" tanong sa akin ni JP kaya mabilis akong umiling. "Oh, paano mo nasabi na hi
