Chapter 27
“Ayoko,” tipid na sabi ni Sadako.
Napatingin ako sa kalangitan. Hindi ko namamalayan na palubog na pala ang araw. Nandito kami ngayon sa school ground, dito namin nahuli si Sadako. Naghiwa-hiwalay pa kaming magkakaklase para hanapin siya buong araw, kaya sana hindi masayang itong ginagawa namin.
“Sige na, Kim. Para sa kapakanan ng buong Class Stone. Nakasalalay ang grades natin dito,” pagmamakaawa ni King sa kanya. Kulang na lang lumuhod siya at yakapin ang binti ni Sadako para lang mapapayag.
“Pumayag ka na, multo, para matapos na,” naiinip namang sabi ni Hina sa gilid ko.
“Kim, ikaw lang ang pag-asa namin,” dagdag ni Vanna para tuluyan na siyang makumbinsi.
Pinanood ko lang sila sa pagpilit kay Sadako. Gusto ko nang bumalik sa dorm para matulog pero kailangan ko munan
