Chapter 15
“Waiz and King, pumunta tayo sa clinic para magamot ang mga sugat n’yo,” nag-alalang saad ni Vanna habang tinitingnan ang mga natamo naming sugat. Napaiwas ako ng bahagya nang hawakan niya ang mukha ko na may parte ng galos.
“Ay, sorry," saad niya.
Tumingin ako sa payat na nerd. King pala ang ang pangalan niya.
“Salamat sa inyo, pati sa ‘yo, Xy—”
“Sarili ko ang pinagtanggol ko,” malamig na sagot agad ni Xyrus na nagpatigil kay King sa pagsasalita.
Huminga si King ng malalim. “Sorry,” malungkot na sabi niya.
Napangiwi na lang ako habang tinitingnan sila. Walang dapat ipagpasalamat si King kay Xyrus dahil palaging sarili lang ang iniisip nito pero hindi rin masisisi si King. Kung hindi sumali si Xyrus, siguradong mas marami pang sugat at pasa ang makukuha namin sa taong lat
