NGAYONG araw ang pahinga ni Piper sa trabaho. Binigyan siya kaagad ng day off para sa papatapos na linggo. Kaya naman nais niyang magpahinga ngayon buong araw at sulitin ito, ngunit bago ang lahat ay nais niya munang pagdalhan ng makakain si Dylan sa hospital. Hindi kakayanin ng kaniyang kunsensiya na nagagawa niyang magpakasaya sa piling ng nobyo habang ang isa nilang malapit na kaibigan at halos kapatid-kapatiran na ni Liam ay mag-isang tumatangis para sa nahihimlay na ama.
“Let's go?” Pumasok si Liam sa loob ng silid. Nakabihis na ito at nanggaling na rin sa unit ni Dylan upang kamustahin ang kaibigan. Kahit gaano kasalbahe ito ay isang mapagmahal na kapatid si Liam. Kahit na hindi nito naranasang magkaroon ng tunay na kapatid dahil sa maagang pagpanaw ng ina.
Tumango siya matapos s
