HUMINGA nang malalim si Piper nang tuluyang makaalis ang sasakyan ni Liam. Inihatid siya nito ilang kilometro ang layo sa hotel na pinagtatrabahuhan. Hindi nila nais na mabigla si Dylan sa oras na makita silang magkasama. Balak naman nilang aminin dito ang katotohanan ngunit napagkasunduan nilang humanap ng tamang oras at tiyempo. Sa oras na makahanap si Piper ng pagkakataon ay hindi niya na hihintayin pa si Liam at ipagtatapat na kaagad kay Dylan ang katotohanan.
Kaagad siyang pumasok sa loob ng gusali bago pa man siya tuluyang mahuli. Anong oras na rin kasi sila umalis ni Liam ng penthouse dahil pareho nilang ayaw pang maghiwalay. Unang araw kasi nilang magkasama iyon bilang opisyal na magnobyo at nobya, subalit kailangan niyang pumasok sa trabaho. Nang makarating sa locker room ay kaa
