CARSON
MAAGA kaming nagpahinga kagabi upang makapaghandang mabuti sa gagawin naming presentation mamayang tanghali. Marahan kong idinilat ang aking mga mata. Bahagya kong kinapa ang aking tabi at natagpuang bakante iyon.
Maingat akong bumangon bago sumilip sa orasang nakasabit sa may dingding ng silid. Mag-a-alas sais pa lamang ng umaga ngunit gising na si Connor. Inilibot ko ang aking paningin sa kabuuan ng silid upang hanapin ang lalaki. Natagpuan ko ito sa may veranda ng silid habang tahimik na nagkakape at nakatutok ang buong atensyon sa kaniyang laptop.
Magagaan ang mga hakbang akong lumapit sa kaniya. Tila masyadong nakatutok ang atensyon nito sa kaniyang ginagawa kaya't hindi nito agad napansin ang aking presensya. Kaya naman upang makuha ang atensyon nito ay walang babala akong
