CARSON
HINDI ko na mabilang kung nakailang pabalik-balik na ako sa harap ng salamin ng banyo kung saan ako kasalukuyang naroon. Dito ako tumakbo matapos kong makakawala sa pagkakahawak ni Connor. Nawala na sa isip ko kung gaano na ako katagal nananatili sa loob ng banyo.
“Imposibleng makilala ka n'ya, Carson. Kaya puwede ba, kumalma ka!“ turan ko sa aking sarili sa harap ng salamin. Pakiramdam ko ay mababaliw na ako dahil sa labis na kaba at pag-aalala.
Makailang ulit akong napabuntonghininga habang pilit na pinapakalma ang aking sarili. Mabuti na lamang at walang kahit nangyayaring kakaiba sa labas. Dahil kung mayroon ay tiyak na maririnig ko iyon sa earpiece na nakadikit sa aking tainga.
Bahagya akong sumandal sa may lababo dahil pakiramdam ko anumang oras ay mawawalan ng lakas ang a
