CARSON
“ATE OLIVE, pakihanda po 'yong isang kuwarto para sa mga bisita,” utos ko sa kasambahay nang makapasok kami sa loob. “Upo ka muna,” alok ko kay Connor at agad naman itong tumalima.
Umupo ito sa pang-isahang upuan habang ako ay umupo sa mahabang sofa na malapit dito. Inabala ko ang aking sarili sa pakikipaglaro kay Mason upang hindi gaanong maramdaman ang awkwardness na namamagitan sa pagitan naming dalawa. Pilit kong iniiwasan na mapabaling ako sa gawi ni Connor upang hindi magtama ang aming mga mata.
Bagama't mas magaan na ngayon ang hangin sa pagitan namin kumpara sa unang beses naming nagkita kanina, hindi ko pa ring maiwasang mailang dito. Lalo na't may pagkakataon pa ring nararamdaman ko ang matalim niyang mga mata na nakatutok sa akin.
Bahagya pa akong nagulat sa biglaan n
