HEARTLESS BILLIONAIRE'S SON

Sinasabi nila…

Maswerte raw ako, sapagkat anak ako ng pinakamakapangyarihang pamilya sa bansa...

Mayaman, protektado at lumaking nasa piling ng mga magulang na handang ibigay sa akin ang lahat.

Ngunit walang nakakaalam… kung gaano kabigat dalhin ang apelyidong Montemayor.

Lalo pa at ang ama ko ay si Matias Montemayor.

Ang lalaking minsang kinatakutan ng buong underground world.

At ang babaeng pinakamamahal niya… Si Gladerious.

Lumaki akong nakikita kung paano magmahal ang Daddy ko.

Kung paano niya tingnan si Mommy na para bang ito lang ang mundo niya.

At bilang anak nila… akala ko madali lang ang magmahal.

Akala ko sapat na ang pagiging totoo.

Akala ko kapag mahal mo ang isang tao… hindi mo ito masasaktan.

Ngunit mali pala ako.

Dahil dumating ang araw na ako mismo ang magiging dahilan ng pagluha ng babaeng pinakamamahal ko.

At kagaya ni Daddy noon…

Unti-unti rin akong nilamon ng galit.

Ng kapangyarihan.

At ng mundong matagal nang gustong iwan ng pamilya namin.

Hanggang sa dumating siya.

Ang babaeng hindi ko dapat mahalin.

Ang babaeng may koneksyon sa pinakamadilim na nakaraan ng angkan Montemayor.

At ang babaeng sisira sa lahat ng ipinangako ko sa sarili ko.

Ako si Matias Montemayor II.

Nag-iisang anak ng dating tinaguriang;

Heartless, Arrogant and Devil Billionaire.

At ito ang kwento kung paano ako tuluyang naging katulad ng ama ko...

Isang lalaking handang sirain ang buong mundo para lang sa babaeng mahal niya.