“Tandaan n’yo, na sa oras na pinitas n’yo ang bulaklak ng grimrose, tatlong segundo lang ang itatagal nito bago ito malanta. At kapag nalanta na ito, hindi na natin ito magagamit sa Forgery,” paalala sa amin ni Amara nang makalapit kami sa mismong puno ng grimrose. “At bilisan n’yo rin dahil ilang sandali matapos pwersahang tanggalin ang bulaklak ay magsisimulang mamatay ang katawan ng halaman.”
Nang una niyang sabihin sa amin ang tungkol sa bulaklak ay nagpresinta ako na ako na lang ang kukuha, pero labis na tumutol si Amara dahil na nga sa kadahilanang mamamatay rin ang katawan ng halaman. Ngayon alam ko na kung bakit ito tinawag na rare item.
“Puwesto na kayo, at iwasan ninyong matinik dahil alam n’yo na ang mangyayari sa inyo,” paalala ni Amara.
Tumango ako sa sinabi niya bago ko
