“Clastine, huwag ka na lang kasing tumulong!” singhal ni Amara sa babae nang muli na naman itong masuka habang tumutulong na tanggalin namin ang pangil ng orc. “Pati ako nasusuka na rin dahil sa ‘yo, eh!”
“Hayaan mo na siya, Amara, kung gusto niyang tumulong,” walang ganang sambit ko habang hinahawakan nang maigi ang ulo ng orc. “Siya lang ang may kayang gumamit ng sandata niya.“
“B-Bakit n’yo kasi naisipang dalhin ang ulo ng orc sa ikatlong palapag?” tanong ni Clastine habang iniiwas ang tingin sa hawak ko.
Umirap si Amara bago hinarap ang babae. “Sinabi ko na sa ‘yo kanina pa, na hindi tayo pwedeng manatili roon dahil may Orc na naman na muling lilitaw upang maging Floor Boss, ‘di ba? Gusto mo bang labanan ulit ang ganoong klase ng halimaw, ha?” pagsusungit nito kay Clastine.
“Huwag
