“Sige na, Leo, oh, isang fire orb lang,” pangungulit sa akin ni Amara na ngayon ay nanginginig na sa sobrang lamig habang yakap-yakap ang sarili.
Nakalabas na kami ng Mana Lake at ngayon ay binabagtas na namin ang daan pabalik sa bukana ng kagubatan. Kanina pa sana kami aalis, pero ang tagal natapos ng dungeon guide sa pagligo.
Ilang beses ko na siyang sinabihang umahon na sa lawa pero patuloy pa rin siya sa paglangoy hanggang sa tuluyang lamunin ng lamig ang buong katawan niya.
“Ilang beses na kitang sinabihang tumigil at sumabay sa aking magpatuyo, ‘di ba?” sumbat ko sa kaniya.
Gumamit na kasi ako ng fire orbs kanina para bahagyang mainitan ang katawan ko kanina. At gusto ko sanang sumabay na lang siya sa akin para makatipid kami sa orbs, pero nagmatigas siya.
“Sige na oh, promise,
