NAKATANGGAP si Georgia ng isang tawag at nagmula iyon sa asawa ni Nicholai. Medyo kinabahan din si Georgia dahil kung puwede ay ayaw niya ng eskandalo. Ayaw niyang madamay siya sa away ng mag- asawa kung anuman iyon. Nakahinga na siya nang maluwag dahil nakapag-usap na sila nang masinsinan ni Keandrix. Nasabi na niya lahat dahil ayaw din niyang maglihim sa binata. Hindi siya sanay na naglilihim lalo na sa mga taong mahalaga sa kanya noon pa man. At hindi siya kagaya nina Nicholai at Chona na naatim siyang paglihiman ng mahabang panahon.
"Maari ba kitang makausap, Georgia? No worries, hindi naman kita aawayin eh!" sabi ni Lexie.
Ayaw niya sanang pumayag subalit baka akalain ni Lexie na may pagkabastos siya. Saka hindi naman siya takot kay Lexie dahil wala naman na sila ng asawa nito. Hind
