Celestine's POV
"And at last! They live happily ever after." Mahina kong basa sa huling pahina ng libro bago ko iyon isinara.
"Naging masaya na rin ang Alpha at ang Luna." Humihikab na sabi ni Hera bago humalukipkip sa yakap nitong mahabang unan. Pumikit na ang mga mata nito at mahimbing na rin na natulog.
Hinaplos ko ang buhok niya bago ko siya binigyan ng halik sa noo at pagkatapos ay nagtungo ako sa kabilang dulo ng kwarto kung nasaan ang kama ni Hades. Saglit akong umupo sa tabi niya at inayos ang kumot nito. Hinaplos ko ang kanyang pumuputing buhok na hindi ko malaman kung anong dahilan.
Nabaling ang tingin ko sa pinto nang mahinang kumatok si Scoth doon. Matamis ko siyang nginitian nang kinindatan niya ako saka inilahad niya sa akin ang kanyang kamay. Hinalikan ko muna sa noo
