Celestine’s POV
NAGISING ako nang biglang umikot ang sikmura ko. Dali akong tumakbo papunta sa banyo at doon nagdududuwal. Parang kinakalkal ang sikmura ko sa sobrang sakit. Halos mangiyak-ngiyak ako nang ilang segundo pa bago kumalma ang aking tyan. Hinilamos ko ang aking mukha pagkatapos ay pinakatitigan ko iyon sa salamin.
Napansin ko ang iilang pagbabago sa aking katawan. Bumaba ang timbang ko at tila nangingitim ang ilalim ng mga mata ko. Ganito ba talaga ang nagdadalang tao? Hindi pala gano'n kadali. Buntong-hiningang bumaba ako sa kusina dahil nakakaramdam ako ng gutom.
Nakita ko ang pagkain na hinanda ni Zee bago ito pumasok sa trabaho. Pero nakakailang subo pa lang ako nang muli akong makaramdam ng pag-ikot ng sikmura at muli akong nagsusuka sa lababo. Bakit ganito ang pakir
