Chapter 36
Malakas ang paghakbang ng takong ng babae, halatang iritasyon sa kanyang maputlang mukha. Pagbukas niya ng pinto ay bumungad sa kanya ang pinuno ng Ares na nakaupo sa harap ng isang mesa, si Malcom. Gulat itong lumingon sa babae at napangisi nang makita ang hindi maipintang itsura nito.
"Oh, mainit na naman ata ang ulo mo? Ahahaha," tawa ni Malcom at tumayo.
Lumapit sya sa babae at akmang hahalikan sana ito sa pisngi pero itinulak sya nito dahil sa inis.
"Please Malcom, not now! Hindi mo ba alam ang pinag-usapan namin kanina!? Babalik na si Vishnu at hindi nya sinabi kung kailan ang eksaktong araw!” nanggigigil na sabi ng babae.
"Oh, ang mortal kong kaaway!? Alam mong hindi ako takot sa kanya! Mapapatay ko din sya," kampanteng sabi ni Malcom habang inaamoy ang buho
