"Hindi ko alam na may mga katulad ni Kherwin dito sa San Miguel!" may galit na sabi ng mama ni Shawn nang malaman ang nangyari sa kanya sa kakahuyan.
"He is in jail now, Ma. Matututo na yon sa ginawa niya kay Hainna," sagot ni Shawn.
Nasa sala sila at hinihintay ang pagdating ng mga magulang niya at mga kapatid. Matapos malaman ng biyenan ang nangyari sa kanya sa loob mismo ng Alvarez Beach, nag-alboroto ito. Galit na galit kay Kherwin at agad na sinabi sa mga magulang niya ang nangyari.
Ayaw pa naman sana niyang iparating pa sa mga magulang niya ang nangyari dahil baka mag-alala lang ang mga ito. Pero agad nang nakapagsumbong ang biyenan sa mga magulang niya.
Nasa kulungan na si Kherwin ayon sa asawa niya. Matapos siyang samahan sandali ng asawa kanina sa silid niya, nagpaalam itong a
