Nakauwi sila ni Shawn sa San Miguel, na walang kibuan, binubuhos ng asawa ang galit nito sa pagmamaneho, natatakot naman siyang magtanong sa asawa. Naiintindihan naman niya ang nakita nila ni Shawn, malinaw na may karelasyon ang Mama ni Shawn sa isang Mr. Del Castillo. Hindi siya sigurado kung ang Mr. Del Castillo na nakita nila ni Shawn sa Baguio ay ang nagmamay-ari ng Del Castillo Resorts sa bayan nila.
"Shawn," tawag niya sa asawa nang makapasok na sila sa silid. Liningon lang siya nito at naupo sa sofa.
"Why?" he asked.
"About sa nakita natin kay Mama kanina-"
"Drop it ayokong pag-usapan!" matigas na sagot nito at tumayo mula sa kinauupuan.
"Shawn," tawag niya sa asawa. Pero nagtuloy lang sa paglabas ng silid ang asawa. Damay na siya sa galit ng asawa, kahit wala naman siyang
