Jheimwel Rain
Nagising akong mag-isa na lamang sa kama.
Kaagad akong bumangon at hinanap sa paligid ng silid niya si Darren ngunit hindi ko siya matagpuan. Wala na rin dito ang mga tray at mga bote na pinagkainan namin kagabi pero nakakabit pa rin ang malapad na kumot na mayroong maliliit na ilaw sa itaas ng kama.
Wala na rin namang sindi ang mga ilaw nito ngayon. Siguro ay pinatay na niya kanina pa dahil umaga na rin naman at tumataas na ang sikat ng araw sa labas.
Lumabas ako ng silid niya suot ang sando niyang puti at short niyang maliit, na ngayon ko lang napansin. Kagabi ay robe lang ang tangi kong suot at hindi na ako nakabalik pa sa silid ko upang kumuha ng sarili kong damit.
Nakatulugan ko na ang panonood ng t.v dahil na rin sa pagod sa maghapon naming pamamasyal kahapon. Per
