Naalimpungatan ako nang tumunog ang alarm ng phone ko. Hindi ko pa pala naalis lahat ng alarm na si-net ko mula nung nag-aaral pa ako. Isa-isa ko itong binura. Ang balak ko kasi ay matulog pa ulit at ayokong maistorbo na naman ako ng pagtunog nito.
Gusto ko sanang tawagan si Bettina, pero gusto ko pa talagang matulog. Muli kong ipinikit ang mga mata ko. Pero biglang pumasok sa isip ko iyung eksena kagabi sa Grad Ball.
“Gurl, si Papa Zyrus. Papunta yata dito…” narinig kong sabi ni Bettina, pagkatapos kong mahilo at mapahawak sa gilid ng mesa.
“Ysa, are you okay?”
Mariin kong ipinikit ang mata ko, at saka bahagyang ipinilig ang ulo ko. Nakahawak pa rin ako sa gilid ng mesa ko.
Nakailang serving ba ako ng alak? Parang hindi naman ganun karami para mahilo ako?
“Ysa
