"Ninong, susunod na lang daw po si Zyrus dun sa resto. Mauna na daw tayo.”
Nagpupuyos man ang loob ko kanina ay wala rin naman akong magawa. Ayoko rin namang ipakita sa mga magulang namin ang frustration ko kay Zyrus. Isa pa, isang masayang araw ngayon at ayokong masira iyon kaya tumahimik na lang ako at nagkunwaring hindi apektado ng hindi pagsabay sa amin ni Zyrus.
Pero that was one and half hours ago. Nasaan na si Zyrus?
Kanina ko pa siya gustong i-text para tanungin kung nasaan siya. But it will not be the usual Ysa kapag ginawa ko ‘yun. Sa aming dalawa ni Zyrus, siya lagi ang naghahanap sa akin. Siya lagi ang nagtatanong sa akin.
“Ysa, bakit ba kasi ang tagal ni Zyrus? Mabuti pa sigurong hindi ko na lang siya sinorpresa. Baka nan
