"Are you alright?" kaagad na tanong sa akin ni Niall habang hawak niya ang magkabila kong pisngi. Humihingal siya at bakas sa kanya ang pag-alala.
"Okay ka lang, ate Sia?" tanong din sa akin ni Lj matapos niyang maka-recover agad mula sa pagkagulat. Samantalang ako ay nananatiling tulala at iniisip kung saan nawala ang kwintas?
Hindi kaya nalaglag sa pool kagabi? Dahil ba wala na sa akin ang kwintas kaya ako nadulas sa banyo?
"Hey, Sia. Answer me! f**k! Are you okay?" mas malakas na tanong sa akin ni Niall na tinanguan ko lang ng bahagya kahit ramdam ko ang panginginig ng katawan ko at tila nagkakarerahan sa bilis ng kabog ang dibdib ko.
"O-Okay lang ako," mahina kong sagot bago lumingon sa truck at kotseng nasa amin lang tabi. Yuping-yupi ang kotse at basag din ang harapang bahagi ng
