Agad na sumakay ng taxi si Shy at nagpahatid siya sa lugar na ibinigay ng caller. Kabado siya pero kailangan niyang gawin ito para sa kanyang anak. Halos trenta minuto ring tumakbo ang taxi bago niya narating ang lugar. Pagkababa ni Shy ay inalis niya agad ang suot niyang wig at tinapon ‘yon sa basurahan.
Pagkaalis ng taxi isang itim na Sedan ang tumigil sa harapan niya. Ilang segundo lang at nahila na siya ng kung sino mang nasa loob niyon. Agad na tinakpan nito ang mata niya at binusalan ng tela ang kanyang bibig. Sandali pa ay tuluyan nang nagdilim ang lahat.
Patuloy sa mabilis na pagtakbo ang sinasakyan niya. Sa di kalayuan ay nakasunod naman ang itim na Ferrari na patuloy sa pagsunod sa kanila. Hindi man ito lumalapit nang todo ay hindi naman inaalis ng nagmamaneho niyon ang tingi
