Pinagmamasdan ko ang mukha ko sa salamin. Nakatingin lang ako sa repleksiyon ko, pero ang isip ko, hindi nauubusan ng mga iniisip. Maraming paano. Maraming bakit. Napahawak ako sa tiyan ko, habang nakatitig pa rin sa salamin. Isang anghel ang nasa tiyan ko ngayon.
Napangiti ako. Pero agad ding naglaho ang ngiti na iyon. gaano ba ako kahanda sa blessing na 'to? Blessing? pero bakit may agam-agam ako?
Malalim akong napabuntong-hininga. Pasensiya na muna, my angel... hindi pa ako handang ipaalam ka sa Daddy mo ngayon. Hindi pa. Hindi muna.
Biglang tumunog ang telepono ko. Kahit hindi ko tingnan kung sino ang tumatawag, alam na alam ko na si Dos iyon.
Dos calling...
Ang lakas namang makaramdam ng Daddy mo, baby. Naramdaman niya agad na siya ang pinag-uusapan natin.
Dinampot ko a
