Mabilis akong hinila ni Ricky para ilayo kay Xander.
"Umuwi ka na muna, Dos. Gusto muna naming masolo itong kaibigan namin," seryosong sabi ni Ricky kay Dos.
Napakamot naman ng ulo niya si Dos. Tumingin ako sa mga kaibigan kong babae para magpasaklolo, pero nakangiti lang sila sa amin nila Ricky at Dos.
"Sige na, Dos. Ipaubaya mo muna sa amin itong malihim na kaibigan namin," ulit ni Ricky sa pagpapa-uwi kay Dos.
Nagbaling ako ng tingin kay Dos. Nakatingin din siya sa akin na tila hinihiningi ang opinyon ko.
Siguro nga kailangan ko munang kausapin ang mga kaibigan ko. Sino ba ang hindi masa-shock sa nakita nila? Darating ako dito sa opisina namin na bigla na lang nakikipaghalikan dito kay Dos, na alam nilang enemy number one ko noon.
Tinanguan ko si Dos.
"Sige na, Dos. Iwan mo
