Naramdaman ko ang mabigat na bagay na nakadagan sa tiyan ko. Nakayakap siya sa akin ng mahigpit mula sa likuran ko, habang ang mukha ay nakasiksik sa batok ko. Kaya ramdam ko ang paghinga niya at ang mainit niyang hininga na dumadapo sa balat ko. Dinig ko rin ang mahina niyang paghilik.
Dahan-dahan akong lumingon kay Dos, ingat na ingat na magising ko siya. Gusto ko kasing makita ang guwapong mukha niya. Napangiti ako nang matunghayan ko na iyon. Napakaloko kapag gising, napakaamo naman kapag tulog. Nasanay na yata ako na nagigising sa umaga na katabi siya at mukha niya ang nakikita ko.
Bigla siyang nagdilat ng mga mata at nakita niya akong nakatitig sa mukha niya. Sandali kaming nagtitigan, bago ako nag-iwas ng tingin. Natutunaw na kasi ako sa mga titig niya.
Tuluyan na akong tumaliko
