Kabanata 50:
Rayven Guevarra's Point of View:
May mga gabing hindi ako makatulog. Iyong mga gabing masyadong maraming pumapasok sa utak ko, kung anu-ano. Mga bagay na gumigising sa akin sa kalagitnaan ng gabi kung kaya't pinipili ko na lamang na hindi matulog.
Bitbit ang mug ng kapeng barako at isang yosi, dumiretso ako sa pinto ng bahay kung saan ako nananatili ngayon. Nananatili ako sa bahay ng kapwa ko hired killer ngunit ang kaibahan lang, protektado siya ng mas nakatataas na opisyales kaysa sa akin na utusan lang ng kung sino-sino.
Humigop ako nang bahagya sa mainit na kape upang hindi ako mapaso saka ako nag-angat ng tingin sa malawak at madilim na langit. Ang daming bituin ngayon, ito kayang mga bituin na nakikita ko, nakikita niya rin kaya?
"Hindi ka na naman makatulog? Tangin
