Kabanata 11:
Matapos no'n, hindi na muling tinanong sa akin ni Rayven 'yong tungkol sa nangyari sa eskinita. Naging mas weirdo na rin ang mga nangyayari sa akin. Matapos akong yakapin ni Rayven, hindi ko na nakita pa ang mga demonyo. Inaamin kong gumaan ang pakiramdam ko sa nangyari. Ang sarap nang maglakad sa kalsada na hindi inaalala ang mga nakikita kong nilalang. Ngunit sa kabilang banda, naninibago ako sa aking sarili. Parang hindi na ako ito. Isa pa, natatakot ako sa kapalit at sa rason kung bakit ito nangyari sa akin.
Pagkarating sa Bakery, tinawag ko kaagad si Morris para magtanong. Hindi ako mapakali hangga't hindi ko nalalaman ang nangyayari sa akin.
"Alam na nilang nakikita mo sila," sagot niya.
Natakot ako lalo sa sinagot sa akin ni Morris. Gusto kong maiyak. All this time
