Hapon na kaming natapos sa aming pag-aayos. Nakahinga rin ako ng maluwag nang makita kong naging maayos ang aming pinagpaguran. Kung totoo sana ang salitang perpekto ay 'yon na ang masasabi ko sa nagawa namin.
Sa 'di kalayuan ay may mga pares ng mga mata ang nakatingin sa akin. Nang sulyapan ko ito ay nakita ko si Jonathan habang nakaupo sa cottage at nakade kwatro ang mga binti. Napangiti ako at nilapitan siya sa kaniyang pwesto. Gwapo rin ang binata at mabait. Marami ring naghahabol sa kaniyang mga babae dahil malakas talaga ang dating niya.
"Oh, bakit nandito ka pa?" nagtataka kong tanong kay Jonathan dahil kanina pa ito sa resort. Pakiramdam ko ay may bumabagabag sa kaniya pero hindi niya lang masabi dahil abala ako sa aking trabaho.
"Bakit, hindi ba pwede?" sarkastiko nitong tanon
