Nang makabalik sina Li Muen, Qin Fan, at Lin Xiao sa loob ng main hall ay nakita nila na nagkakagulo dito. Nag-aalalang hinanap ni Li Muen ang kaniyang magulang at ganoon din naman si Qin Fan, si Lin Xiao naman ay kaagad na nagpunta sa gulo.
“Kitang kita ko! May kayakap talaga si Madam Quin Xi!” sigaw ng isang babae.
Kumunot ang noo ni Li Muen at nang makita niya ang kaniyang ama ay halatang hindi ito masaya sa nangyayari.
“Ama, nasaan si ina?” tanong ni Li Muen.
“Nagpaalam na si Quin Xi na magpapahinga na dahil hindi maganda ang kaniyang pakiramdam,” saka niya masamang tiningnan ang babaeng nag-i-iskandalo. “Kung talagang ang asawa ko ang nakita mong may kayakap na iba bakit hindi mo kami dalahin sa lugar na iyon? Ha?!” galit na sigaw ni Li Chao.
Dahil sa pag-aalala ay kaagad ni
