Nakita ni Li Muen ang pangiwi ni Lily ngunit hinayaan na lamang ito dahil wala siyang oras para makipagdaldalan. Isa pa, gusto niyang matuto sa laban na ibibigay ni Lin Xiao.
Dahil nasa berserk na katauhan si Wu Cheng ay hindi mapagkakailang mas malakas ito sa una kaya naman sa hindi malamang dahilan ay kaagad itong nawala sa kinatatayan niya at kasabay nito ay ang paglakas ng hangin sa paligid.
“Dragon claw!” sigaw ni Wu Cheng na nasa ere ngayon dahil sa kaniyang pagtalon.
Kaagad na tumalon papalayo si Lin Xiao at ang tinamaan ng dragon claw ni Wu Cheng ay may malaking ukit na wari mo ay isang territorial sign.
Kaagad na hinila ni Lin Xiao pabalik ang dragon tail’s whip sa kaniya at ngayon ay naging malapad ito at naging panangga ni Lin Xiao sa mga dragon claw na pinapaulan ni Wu Chen
