Muling sinuri ng babae si Li Muen at kaagad naman na naglabas ng qi pressure si Li Muen sa babae dahilan upang mapaluhod ito. Kaagad naman na naramdaman ng iba ang qi pressure at nagsipuntahan sa kung saan ito galing.
Samantala ang lalaki naman na nasa ikatlong palapag ng bahay aliwan ay naramdaman din ang qi pressure na binigay ni Li Muen. Kaagad siyang nagmadaling bumaba dahil doon at habang pababa ay nagmumura siya at naiinis sa kaniyang tauhan na gumalit sa isang qi user.
“Lady Ru!” sigaw ng lalaki nang makita niya kung sino ang nakaluhod at binibigyan ng direktang qi pressure. Kaagad naman na yumuko ang lalaki. “Ako na po ang humihingi ng tawad sa inasal ng aking tauhan,” sambit nito.
“At sino ka naman para humingi ng tawad?” walang emosyon na sambit ni Li Muen, malam
