Kaagad na sinangga ni Li Muen ang isang palaso na bumulusok papunta sa kanila at kaagad na hinanda ang kaniyang sarili upang makipaglaban. Si Shadow naman ay umakyat sa puno at sinuot na ang kaniyang hood na nasa kaniyang cape upang hindi siya nakilala. Kagaya nang nasabi sa kaniya ni Lin Jing ay kailangan niyang maghintay na makapigpalitan muna si Li Muen ng atake sa kalaban bago siya lumabas.
Ramdam ni Shadow na malakas ang makakalaban ni Li Muen ngunit wala lang ito para sa kaniya. Isa lamang itong paumpisa para kay Shadow ngunit para sa karanasan na maibibigay ng mga ito kay Li Muen at Lin Xiao ay hahayaan na muna niyang makipagpalitan ng atake ang dalawa bago siya tumulong.
‘Hindi ko talaga gets si Master Lin Jing, pero, siguro nga talagang magiging magandang karanasan ito para ka
