Nakatingin si Zhuen sa langit mula sa bintana ng shop. Simula noong umalis si Li Muen ay umalis na siya sa inn at dito siya sa shop tumuloy kasama sina Anguel, Lorean, Arzie, Michael, at Lu Zou.
“Zhuen?” tawag ni Anguel nang makita niya na hindi pa tulog si Zhuen.
“Ipagpaumanhin, nagising ba kita?” nag-aalalang tanong ni Zhuen.
Kaagad naman na umiling si Anguel at naglakad papalapit kay Zhuen. Ito ang ikalawang gabi na wala si Li Muen kaya alam ni Anguel na nag-aalala si Zhuen para sa kaniyang Miss, para sa kanilang taga-pagligtas, para kay Li Muen.
“Hindi ka sanay na wala si Miss Muxein?” tanong ni Anguel.
Ngumiti si Zhuen bago sumagot, “Alam mo ba na simula noong bata pa kami ay hindi pa siya nawalay sa akin? Lagi akong nariyan kapag kailangan niya ako, lagi akong nasa tabi niy
