Kaagad na umatake sina Cao Xue at Wu Cheng kina Lin Xiao at Lily gayon pa man, bago pa man makarating si Cao Xue kay Lily ay kaagad na isinalag ni Li Muen ang kaniyang dagger sa dagger na hawak hawak din ni Cao Xue.
Kaagad din naman na nagpalitan ng atake si Lin Xiao at Wu Cheng. Parehas silang bihasa sa pakikipaglaban ng pisikalan na walang gamit na kahit na anong sandata. Habang nagtatama ang kanilang kamao at palad ay lumilikha ito ng malakas na hangin sa kanilang kaliwa at kanang bahagi at kasabay nito ay ang tunog kung saan wari mo ay may nabato ng bato sa bubong ng isang bahay.
Binigyan ni Wu Cheng si Lin Xiao ng isang kamao na may pulang aura kung saan ito ay ang kulay ng qi ni Wu Cheng. Ang pulang aura ay ang pinaka mahina sa lahat ngunit ito rin ay isa sa pinaka malakas kung g
