Hindi na nagtagal pa sina Li Muen at nagpatuloy na lamang sa kanilang paglalakbay. Napagpasyahan na rin naman nila Lin Xiao na magpatuloy na lamang sa kanilang pagsasanay para mas lumakas pa at saka na lamang nila aasikasuhin ang tungkol sa kanilang propesor kapag naging mas malakas na sila kay sa taong iyon.
“Ano ba kasi talaga ang balak mo sa lugar na ito?” tanong ni Lim Lily.
Ang impormasyon patungkol sa spirit fruit na mahihinog ngayong araw ay limitado lamang sa mga taong may matataas na antas. Kaya naman kung sakali man na makapunta na sila sa pinaka tuktok ay alam na naman ni Li Muen na mga malalakas lamang ang makikita nila roon.
Ikinuwento sa kanila ni Li Muen ang kaniyang balak at nagulat naman din ang mga ito dahil sa sinabi ni Li Muen. Gayon pa man hindi naman pum
