Matapos makipag-usap ni Lin Rin kina Yaoyao at Xu Lei Mei ay nagpaalam ito na aalis muna sila. Bibili ng ilang mga kailangan na sangkap si Xu Lei Mei at sasamahan ito ni Yaoyao. Dahil sa kilala si Xu Lei Mei sa Xidi Kingdom ay kailangan niyang gumamit ng artificial mask ni Li Muen at ganoon din naman si Yaoyao dahil kilala na siya ng mga Bai bilang isa sa mga taga-silbi ni Li Muen.
“Hindi ka ba napapasok sa sitwasyon na ito?” tanong ni Lin Rin kay Li Muen at saka ito sumimsim ng kaniyang tsaa.
Sandali na napatigil si Li Muen at saka siya napanguso dahil naramdaman niya ang pagod na tinutukoy ni Lin Rin. “Kung hindi mo sana pinaalala e ‘di sana hindi ko mararamdaman ngayon.” Ibinaba ni Li Muen ang kaniyang baso at saka tumingin kay Li Muen. “At dahil pagoda ko mas lalo kong naaalala ang
