Gulat na napatingin sina Li Baejin at Li Junli sa kanilang magulang.
“Ina! Ama! Alam ba ninyo ang tungkol dito?” kaagad na tanong ni Li Baejin at lumipat sa upuan ni Li Muen.
Tumango naman ang dalawa at napanganga na lamang ang dalawang kapatid ni Li Muen at saka ito napatingin sa kaniya. Naramdaman naman ni Li Muen ang tingin ng kaniyang mga kapatid kaya naman tumingin siya sa pwesto ng kaniyang pamilya at ngumiti.
Samu’t saring komento ang natanggap ng Li Clan sa pagsali ni Li Muen sa paliksahan at kahit na ang mga magulang din ni Qin Quin Xi ay isa sa mga hindi natutuwa na makita si Li Muen sa palaro na ito.
“Ano kayang iniisip ni sister Quin Xi at isinali niya si Mu’er,” sambit ng isa sa kapatid ni Qin Quin Xi.
“Hmp! Pag may nangyaring hindi magandak ay Mu’er mala
