Hindi man maintindihan ng iba ang naging desisyon ni Li Chao at Qin Quin Li sa pagtanggap sa bagong tauhan ni Li Muen ay hindi na sila nagtanong pa. Gaya nang napag usapan nina Li Chao ay hindi nila sinabi sa kahit na sino ang tunay na katauhan ni Xu Lei Mei. Pinakilala nila ito bilang bagong taga-silbi ni Li Muen at wala rin namang nakakaalam na may sariling silid si Xu Lei Mei malapit kay Li Muen maliban kina Zhuen at Yaoyao na personal nitong taga-silbi. Kahit ang iba sa mga tauhan ni Li Muen sa courtyard ay wala rin namang nakakaalam tungkol doon at hindi rin naman sila pwedeng magsalita tungkol sa mga nangyayari sa loob ng courtyard ni Li Muen. Takot sila sa pamilya ni Li Muen lalo na sa mga kapatid nito ngunit mas takot silang galitin at suwayin si Li Muen.
Noon pa man ay hindi na n
