Bakit mo ako iniwan?
Hindi gusto ng aking puso ang iyong paglisan.
Hindi mo ba naiisip kung gaano ako nangungulila,
Sa tuwing ang iyong mukha ay pumapasok sa aking alaala.
Nasaan ka na mahal ko?
Nasaan na ang iyong iniwan na mga pangako?
Patuloy na lang ba akong masasaktan?
Pag-ibig at kaligayahan ay hindi ko na ba makakamtan?
Ang lahat ng ating mga alaala,
Ay parang isang karamdaman na lalong lumalala.
Sana kahit nasaan ka man marinig mo ang aking tinig,
Isang awiting nagmumula sa aking pusong patuloy na umiibig.
Nasaan ka na mahal ko?
Sa tuwing—
Hindi natuloy ni Louie ang kanyang tula na sinusulat sa kanilang diary book nila ni Mikaela, nang bumukas ang pinto ng kanyang silid at pumasok ang kanyang matalik na kaibigan. Doon na kasi halos namamalagi si Vince. Hal
