JETRO
"Ano'ng ginagawa mo dito?" tanong ni Fourth pagkatapos niyang istorbohin ang aking tulog.
Ungol lang ako sagot ko sa kaniya. Tumagilid ako para muli sanang ituloy ang aking pagtulog pero naging maingay ang buong opisina dahil sa pagdating ng iba kong mga kaibigan.
"Ano'ng ginagawa ng isa sa pinakamagaling na CEO sa bansa?" May pangungutya sa boses ni Alwin.
Tinakpan ko lang ng unan ang aking mukha. Dapat sa ibang mga unit sana ako pupunta para matulog kaso baka may ibang makakita sa akin at kung ano pa ang isipin nila.
Baka kung ano pang tsismis ang lumabas at makarating pa sa aking asawa.
"Malamang puyat," sabi ni Fourth. Nag-uusap sila. Naging maingay na kaya nawala na din ang aking antok.
Bumangon na lang ako. Magre-review lang ako ng ilang dokumento pagkatapos ay uuw
