Pagkatapos ng gabing iyon sa bar ay umuwi akong mabigat ang loob at nanliliit sa aking sarili.
Hindi ko naman ito nararamdaman kapag sina Almira at ilan sa mga kaibigan niya ang kasama ko. Kapag dalawa lang din kami ni Bjorn ay hindi ko man lang naiisip ang kaibahan ko sa kaniya.
Pinamukha sa akin nina Chloe kung saan ako nararapat na lumugar. I feel out of place sa grupo nila. Ang laki ng pagkakaiba ko sa kanila.
"Well, mom asked me to manage our company. Sayang naman daw ang pagpapaaral niya sa akin sa New York University kung hindi ko iyon gagamitin," buong pagmamalaki ni Chloe.
"Your mom is on point. Besides, nakakasawa na din ang mag-travel at mag-shopping," sagot naman ng isa.
Nakangiti lang ako na nakikinig sa kanila. Nagkuwentuhan sila about their college life. Kinukuwento
