Chapter 20
INAYOS KO ANG kanyang pagkakahiga sa sofa at saka nilagyan siya ng comforter na kinuha ko kanina. Sinuotan ko na rin siya ng medyas.
Napatingin ako sa kanyang mukha. Halatang masama talaga ang pakiramdam niya at nanginginig siya kahit may comforter na. He's holding the comforter too tight.
"Ayan. Sinat pala, ha?" pangaral ko at saka kinuha ang bimpo na binabad ko sa tabo na may lamang pinagsamang tubig at alcohol. Pinatong ko iyon sa kanyang ulo nang matapos na ako sa pagpiga. Jamie just groaned at what I said.
Ayan kasi, sobrang ma-pride. Kung nagpahinga lang sana siya kanina, eh, 'di sana'y maayos ang pagkakahiga niya ngayon sa kama.
"I-I need t-to work." Akma sana siyang babangon nang pigilan ko siya. Sa namumungay na mga mata, binalingan niya ako ng tingin. I arched an
