Chapter 27
Marcus's PoV
MAGKATABI kami ni Yna habang nakahiga kami sa kama ko. Nakaunan siya sa aking braso habang magkahawak ang aming mga kamay.
"Marcus, sigurado ka ba na mahal mo ako?" tanong nito sa akin at tiningala niya ako.
"Oo naman. Bakit ayaw mo bang mahalin kita?" balik-tanong ko sa kaniya.
"Gusto ko lamang masiguro na hindi ka nagbibiro, ayoko na kasing umasa, napapagod na akong umiyak at masaktan," mahinang sabi nito.
Hinawakan ko ang baba ni Yna at inangat iyon. "Sorry, kung nasaktan kita at umiyak ka dahil sa akin. Gusto kong malaman mo na, simula noong araw na muntik nang may mangyari sa ating dalawa ay hindi ka na naalis sa isip ko... palagi kitang tinitignan sa office. Masaya ako kapag nakikita kitang nagkakandarapa para mapansin ko. Pero nagselos ako, noong nakiki
