WALO laban sa sampung tauhan ng kaniyang lolo. At hindi mapigilan kabahan si Micah, alam niya ng magaling ang mga kalaban nila. Dahil ang mga ito ay matagal ng bodyguard ng abuelo niya. Ganun pa man may tiwala siya sa mga kasama. Kung sakaling masugatan man ang mga ito ay hindi naman siguro malala.
Tanging si Rio lang ang nakakaintindi sa sinasabi ng mga kalaban. At ang tanging nauunawaan ni Micah, yung salitang pagmumura.
“Mag-ingat kayo at huwag hahayaan masugatan, ang sabi ng kanilang leader ay papatayin nila tayong lahat. Kahit ikaw na apo ng pinuno ay hindi nila paliligtasin.” Ani pa ni Rio, kay Micah.
“Sa panaginip lang nila kami mapapatay, sila ang uubusin natin, kaya huwag kayong pauuna. Basta may pagkakataon, patayin agad ang mga tarantado!” Galit na turan ni Micah.
“Copy!”
