Nang lumapit si Kylie at sinabing uuwi na kami, pakiramdam ko ay nagpipigil lang talaga siya ng galit. Mas lalo akong bumilib sa babae dahil nakita ko naman kung paano niya pinigilan ang kanyang sarili na huwag manakit ng kapwa. Sadyang pasaway lang iyong isang babae kanina at nauna siyang sabunutan. Gumanti lang ito.
“Umuwi na tayo,” sabi niya sa mahinang boses ngunit narinig pa rin naman siya.
Sa akin pa rin siya sumakay at nauna ng nagpatakbo ng motorsiklo si EJ. Sumunod na kaagad kami sa kanila. Medyo malayo na ang narating namin nang maisipan kong tumigil na muna. Nagtanong siya kung bakit ako tumigil at sa tingin ko ay kinabahan ang babae dahil hindi matao ang lugar.
“May problema ba, bro?” Nagtanong din si EJ.
“Mauna na kayo at may titingnan lang ako sa motor. Mukhang may pr
