Lilith's Point of View
Tanghalian na. Halos isang oras kaming naghintay bago dumating ang inorder ni Tita sa restaurant na pinuntahan namin kanina ngunit mukhang worth it naman ang paghihintay dahil namumutiktik ng iba't-ibang klaseng seafoods ang dalawang malaking bandehadong dala ng dalawang serbidor mula sa restaurant.
Halos kuminang ang mga mata ni Tito nang makita ang nasa harap niya at nadinig ko si Maverick na nagreklamo, sira nanaman daw ang diet niya.
Naagaw ang atensyon ng lahat sa mga naglalakihang iba't-ibang klaseng mga lamang-dagat na nasa harap namin at nawala sa isip na wala pala kaming makakainan.
Dahon sana ng saging ngunit wala naman doon kaya nag-request si Tito sa dalawang waiter na nagdala ng mga pagkain kung maaring manghiram o magrenta ng plato sa kanila kasam
